مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست ٹیکساس میں گھر پر چھاپے کے دوران پولیس اہلکاروں پر فائرنگ میں 5 اہلکار زخمی ہو گئے جبکہ جوابی کارروائی میں 2 مشتبہ افراد مارے گئے۔
پولیس حکام کے مطابق ٹیکساس کے شہر ہیوسٹن میں ہیوسٹن پولیس ڈیپارٹمنٹ کے نارکو ٹکس یونٹ نے کارروائی کی۔ جیسے ہی پولیس اہلکاروں نے دروازہ توڑ کر ایک گھر میں داخل ہونے کی کوشش کی، ان پر اس گھر کے اندر سے ملزمان کی جانب سے فائرنگ کی گئی۔
ملزمان کی فائرنگ کے نتیجے میں 5 پولیس اہلکار زخمی ہو گئے،جنہیں اسپتال منتقل کیا گیا۔ پولیس کی جوابی کارروائی میں 2 مشتبہ افراد مارے گئے، پولیس نے گھر میں منشیات فروش کی موجودگی کی اطلاع پر یہ کارروائی کی تھی۔
آپ کا تبصرہ